И ВО ГЕРМАНИЈА ЗА ПРЕГЛЕД СЕ ЧЕКА СО НЕДЕЛИ: Се обидуваат да го подобрат системот
Објавено во: Свет 17 Јануари, 2024
Колку време е потребно за да се види специјалист во Германија?
Новинар на Дојче веле во загребската редакција го коментираше здравствениот систем во Германија и изјави дека и во таа земја работите не функционираат баш најдобро.
Германците последниве години забележаа голем проблем во нивното здравство - предолго чекање на преглед кај лекар специјалист.
„Се обидоа да го подобрат системот, но сепак постои голема разлика меѓу луѓето кои имаат задолжително здравствено осигурување и оние кои се приватно осигурени, така што должината на чекањето кај лекарот се разликува“, вели Матиќ.
Тој додава дека лицата со приватно осигурување чекаат и до десет дена за преглед кај лекар специјалист, додека останатите пациенти во просек чекаат по 30 дена.
Тој наведува дека во последните неколку месеци почнале позитивни промени.
„Во здравствениот сектор, тие одлучија да ги наградат другите кои конструктивно учествуваат во обезбедувањето на пациентите што поскоро да добијат преглед кај специјалист. Воведена е и една новина, линија каде самите пациенти можат да учествуваат во барањето термин, а итноста на случајот ја дефинира матичниот лекар. Во рок од седум дена мора да се добие понуда за два датума“, вели новинарот на Дојче веле.