ИМА ДОГОВОР: 12 земји се договорија за ковид пасошите
Објавено во: Свет, Корона Вирус 12 Април, 2021
12 земји меѓу кои се Австрија, Кипар, Данска, Франција, Германија, Италија, Малта, Португалија, Словенија и Шпанија се договорија за ковид пасошите.
Целта е да се олесни движењето на туристите со овие пасоши. Листата со критериуми е на разгледување на Европската Комисија (ЕК). Taa идните денови треба да донесе одлука за примената на ковид пасошите.
„Наша цел е ’зелениот пасоши‘ бргу и по можност, едноставно да се применува на ниво на Унијата“, изјави австриската министерка за туризам, Елизабет Кестингер, во разговор со новинската агенција АПА, пренесува „Идекс.хр“.
Вели дека во прашање е доведен опстанокот на европскиот туризам.
„’Зелениот пасош‘ преку QR-кор веднаш дава информација за тоа дали лицето е вакцинирано, тестирано или го прележано коронавирусот. Со тоа се овозможува негова едноставна и практична примена секаде на ниво на ЕУ, од пријавување на аеродромите до посета на некоја локална кафеана“, изјави австриската министерка.
Откако ќе се изјасни ЕК, следно е усогласување на примената на ковид-пасошите и со трети земји. Јужниот сосед беше прв кој заговараше воведување на ковид пасоши.
Поради пандемијата, туризмот во светот лани имаше загуба од најмалку 195 милијарди долари.