Има нова снимка за тепањето на Села

Добивај вести на Viber

Нова необјавена снимка од тепање на пратеникот Зијадин Села од скоро сите обвинети за обидот за убиство на 27 април лани беше пуштена во судницата во Основниот суд Скопје 1. 

На снимката од телефон се гледа дека Села го удираат многу повеќе лица од тие што се обвинети.

Обвинетиот Александар Јаневски – Тошта стои како ги брани пратениците, а всушност селективно пропушта луѓе само кон Села. 

Лице со фантомка на глава удира по лицата од обезбедувањето на Оливер Спасовски. 

Села брзо добива боксови по главата, по кои паѓа на подот. Скокаат врз него, го удираат со клоци и железни предмети. 

Снимката, предложена од обвинителот Дарко Јакимовски како дополнителен доказ, ги побива тврдењата на 10-темина притворени дека во Собранието таа вечер влегле од љубопитност, дека не го допреле Села, туку напротив, во прес-салата кај што се случи обидот за убиство, им помагале на Села и на останатите пратеници и новинари.

На снимката ги нема обвинетите Кире Ѓорѓиевски и неговиот татко Цејо. 

Во обидот за убиство на Зијадин Села обвинети се: Оливер Ошавковски, Александар Јаневски – Тошта, Сашо Сенков, Николче Димитриевски, Андреј Мицов, Никола Војминовски, Коста Делов, Стојан Павлески – Кобра, Кире Ѓоргиевски и Цејо Ѓоргиевски.