ИМА САМО ДЕВЕТ ГОДИНИ И ИЗВЕСТУВА ОД ГАЗА: Девојчето сака да покаже дека децата страдаат
Објавено во: Свет 27 Јануари, 2024
Девојчето Лама Абу Џамус има само 9 години и е најмладата новинарка која известува за војната во Газа.
Таа почнала да снима низ што минува во Газа со телефонот на нејзината мајка и да го објавува на нејзината страница на Инстаграм. Ова мало девојче сега има повеќе од 750.000 следбеници. Лама и нејзиното семејство беа принудени да го напуштат својот дом во градот Газа поради честите воздушни напади, пренесува Си-Ен-Ен. Девојчето сега е во егзил на југот на Појасот Газа.
„Сакав јасно да му покажам на светот дека децата во Газа страдаат. Без храна или вода. Немаме ништо“, вели девојчето.
Многу новинари загинаа во Газа, откако на 7 октомври лани палестинската терористичка група Хамас го нападна Израел, а потоа Израел почна офанзива во Газа. Досега во Газа загинаа над 26.000 Палестинци.