ИМАЛЕ ЛИФТОВИ И СКАЛИ: Тунелите на Хамас се поголеми од што се мислеше
Објавено во: Свет 16 Јануари, 2024
Израелците ги истражуваат тунелите на палестинската терористичка група Хамас, но се чини дека тие се многу поголеми отколку што се мислеше.
Еден војник тврди дека го надгледувал уништувањето на дури 50 од овие тунели во Беит Ханун. Тој објасни дека во сите биле поставени замки кои би предизвикале огромна експлозија, а тунелите би се урнале врз Израелците. Припадниците на единицата на која припаѓа војникот биле воени инженери и успешно ги деактивирале смртоносните направи.
Израелците продолжуваат да ги истражуваат тунелите што ги открија под Газа, пишува Њујорк Тајмс. Членовите на Хамас ги ископале тунелите за да бидат воено скривалиште. Според пресметките од декември лани, Израелците мислеле дека тунелите опфаќаат вкупно 400 квадратни километри, но сега веруваат дека тие би можеле да бидат многу поголеми. Еден од тунелите е доволно широк за да се вози автомобил низ него. Другиот е долг колку три фудбалски игралишта и се наоѓа под болницата. Под куќата на еден од високите команданти на Хамас, Израелците пронајдоа спирални скали кои водат до комплекс длабок седум ката. Некои од откриените тунели имале дури и лифтови.
Хамас ја подобри својата способност да го прикрива влезот во тунелите, често криејќи ги под болниците, училиштата и џамиите. Израел е упорен во нивното откривање.Хамас на 7 октомври лани го нападна Израел, а потоа Израел почна операција во Газа каде загинаа над 24.000 Палестинци.