Имате канал на YouТube? Проверете ги новите правила!

Добивај вести на Viber

Google објави нова функција на музичката библиотека на YouTube, која им овозможува на корисниците кои испраќаат видео со музика која има авторски права, да видат што точно ќе се случи со спотот уште пред да го пуштат во платформата, пишува TechCrunch. При качувањето на видео на YouTube системот Content ID автоматски се обидува да разбере дали корисникот користи музика со авторски права или не. Изведувачите и издавачките компании пак можат да одлучат дали да го запрат аудиозаписот, да го блокираат видеото, па тоа да не може да се гледа или да пробаат да заработат од него. До неодамна, главниот проблем беше дека потрошувачите не знаеја што ќе се случи со некое видео, додека не го испратите директно на YouTube. Со помош на новата функција во Audio Library, тие ќе бидат свесни за она што претстои да се случи. Тоа значително ќе им олесни на креаторите на содржини на популарниот сајт. Ова нема да ги реши сите проблеми на YouTube, иако за поголем дел од корисниците ќе е чекор напред заради проверка дали некој клип ќе може да остане на сајтот. Во ноември оваа година Google објави дека ќе пушти претплата на услугите за YouTube. Новата услуга - YouTube Music Key, дава можност за слушање музика без реклами на вашиот сајт. Фирмата нуди бесплатен пристап до услугата во првите шест месеци, но само со покана. Потоа таа ќе биде пуштена на промотивна цена од 7,99 долари, а подоцна по целосна цена од 9,99 долари месечно. Приходите од рекламирање на YouTube минатата година достигнаа до 5,6 милијарди долари. Средства од кои YouTube задржа 1,96 милијарди долари, а останатите пари ги разделија партнерите на видео сервисот. Инаку споредено со 2012, приходите на YouTube во 2013 година беа 65 % повисоки, што значи дека ги надминаа приходите на интернет гигантите како Твитер, Амазон или Линкедин. Анализите покажаа дека приходите од рекламирање на YouTube минатата година достигнаа 5,1 % од вкупните приходи од реклами на Google. К.К.