Интел се фокусира на кинескиот пазар

Добивај вести на Viber

Во време кога компјутерската индустрија подлежи на брза трансформација, извршниот директор на Интел корпорацијата Брајан Крзанич ги посочи плановите на компанијата за продолжување на речиси 30-годишната историја во Кина, како и соработките со растечкиот технолошки екосистем, особено во Шензен, за да се забрзаат новите иновации и да се преструктуира компјутерската индустрија. Крзанич го објави воспоставувањето на Intel Smart Device Innovation Center во Шензен и најави дополнителни 100 милиони долари преку Intel Capital China Smart Device Innovation Fund. Извршниот директор на Интел објасни неколку нови производи и технологии што компанијата ќе почне да ги нуди оваа година, вклучувајќи го Intel® Edison, спремна, повеќенаменска компјутерска платформа првпат замислена токму во истражувачките лаборатории во Кина. Тој исто така ја објави достапноста на Intel® Gateway Solutions за интернет на нештата (IoT) базиран на Intel Quark™ и Atom™ процесори, додатно демонстрирајќи ја SoFIA, Интел-овата прва интегрирана мобилна SoC платформа за достапни и поскапи паметни телефони и таблети. „Кинескиот технолошки екосистем ќе биде од најголемо значење за трансформацијата на компјутингот,“ изјави Крзанич. „За да се придвижи глобалната иновација, Интел ќе остане фокусиран на обезбедување на водечки продукти и технологии кои не само што ќе им дозволат на партнерите да воведуваат новини и иновации, ќе го донесат ветувањето дека ’ако се работи за компјутери, најдобро е со Интел’ – од обични направи до клауд, и сé што е помеѓу“. Тој најави 100 милиони долари вреден Intel Capital China Smart Device иновациски фонд фокусиран на помагање за забрзувањето на иновациите за паметни уреди, вклучувајќи 2 во 1 уреди, таблети, паметни телефони, wearables, IoT и други слични технологии во Кина. Новата инвестиција ја поддржува посветеноста на Intel Capital на кинеската ИТ индустрија и развој на екосистемот. Од 1998, Intel Capital има инвестирано повеќе од 670 милиони долари во 110 компании во Кина низ два веќе утврдени инвестициски фондови. Крзанич беше придружуван на првиот ден на овогодинешниот развивачки форум од Иан Јанг, претседател на Интел Кина, и Дајана Брајант постар заменик претседател на Intel Data Center Group, чие обраќање ги посочи технологиите на Интел за центри за податоци и темелите на модерниот компјутинг и растечките бизнис можности претставени со растот на паметните, поврзани уреди. Интел е на пат да испорача 40 милиони таблети оваа година и раководството претстави низа иновативни дизајни развиени во Кина од произведувачи и дизајнери.