Интервју Дирк Влиербум: Наградата „Најдобар бизнис хотел за 2016 година“ за Скопје Мериот хотел е резултат на посветеноста на нашиот тим

Добивај вести на Viber

Фактор: Нема поминато ни една година откако Скопје Мериот хотел ги отвори вратите за домашните и странските гости, а веќе сте добитник на наградата за најдобар бизнис хотел, Златна монета. На што се должи овој брз и импресивен успех?

Дирк Влиербум: Навистина е големо задоволство и чест да се добие ова признание. За нас оваа награда е многу повредна и позначајна со оглед на тоа што работиме релативно краток период, а ова признание го добиваме од Сојузот на стопански комори, како реномирано и бизнис ориентирано тело во Македонија. Златната монета и признанието од бизнис заедницата, верувам дека се резултат на посветеноста на нашиот тим, но исто така и на вредностите на брендот Мериот, што успешно ги инкорпориравме тука во Скопје Мериот. Бренд со искуство, традиција и експертиза што оди до 89 години во минатото и што е присутен во речиси 110 земји низ светот со 5700 хотели и ресорти. Потписот од светски познатиот бренд носи многу предности, во смисла на инвентивност и професионалност во работењето, а за големината и вредноста на овој бренд најдобро говорат позитивните искуства на нашите гости во секој еден хотел под брендот на Мериот.

Фактор: Кога станува збор за хотелската дејност, многу е специфично затоа што услугите се наменети за странските гости, но подеднакво комуницирате и со домашните клиенти. Што нудите посебно и со што се издвојува Скопје Мериот Хотел?

Дирк Влиербум: Скопје Мериот за своите гости нуди ексклузивност и искуство коешто го очекува денешниот турист. Пристапноста на една од најимпресивните локации во градот е само почеток на исклучителноста на Скопје Мериот. Ентериерот на хотелот е дело на дизајнерски и стилски решенија, со уникатни детали што го прави погоден за организирање на различни типови настани. Скопје Мериот на располагање на своите клиенти и гости им ја нуди и платформата Meetings Imagined, која што претставува најсеопфатна алатка за беспрекорно организирање настани, од концепти, предлози, решенија, идеи, до најситните детали како и прилагодување на концептите и настаните на последните измени, без можност да се случат пропусти. Дистрикт, барот и ресторан е посебна приказна, затоа што покрај вкусните специјалитети создадени од нашиот Шеф на кујна со богато меѓународно искуство, самиот престој нуди ново, несекојдневно доживување. Концептот на отворена кујна каде што може да се следи приготвувањето на омилениот специјалитет е интересен и уникатен момент, што се повеќе ги привлекува гостите. Додека пак, спа и фитнес центарот во Скопје Мериот е различен во секој поглед, од услуга, капацитет, можности и примена на препарати. Но, сепак, крајниот заклучок би бил дека не само една услуга е важна и го создава позитивниот впечаток, туку Скопје Мериот нуди компилација од беспрекорни услуги во секој поглед, а нашите гости и клиенти го забележуваат и ценат тоа.

Фактор: Колку ангажирањето на сите сектори и капацитети на хотелот се исплатува и се враќа како придобивка, во смисла организирање активности и настани со кои се потенцираат различните, така речи независни содржини на хотелот?

Дирк Влиербум: Од самиот почекот со работа во Скопје, интензивно и динамично создаваме нови, уникатни содржини и начини за забава на граѓаните. Го понудивме точно она што недостигаше и им овозможивме на нашите гости, пријатно и несекојдневно искуство. Креираме содржини и настани што се привлечни и интересни, и користиме најразлични начини да воспоставиме директен контакт со граѓаните и да комуницираме со нив, а резултатите се одлични.