ИНВЕСТИЦИИ: Нови 3000 работни места од американска „Леар“ во Полошко

 Во Скопје денес беше потпишан договорот за оваа инвестиција од страна на е потпретседателот на корпорацијата „Леар“ Рафаел Гаљарди и министерот за странски инвестиции Веле Самак, во присуство на премиерот Никола Груевски и министри во Владата. До крајот на годинава инвеститорот вети 150 до 200 вработени во постоечки објект во Гостивар, а веќе до следната година бројката се зголемува за 800 лица. Кога ќе се префрли во ТИРЗ Тетово во нов објект, бројката на вработени варира околу 2000 до 3000 лица. Владата очекува оваа инвестиција да го зголеми БДП на земјата за 150-190 милиони евра. Премиерот покажа значајно задоволство од оваа инвестиција. - Ова е особено значајно за полошкиот регион кој во минатото беше познат по текстилната индустрија и кој има голем број луѓе без работа, а кои имаат квалификации во оваа струка. Оваа инвестиција е уште една потврда за нашата работа и за нашите напори да донесеме што повеќе инвестиции во Македонија и да отвориме што повеќе работни места. Со таква работа ќе продолжиме и во наредниот период, рече Груевски. Леар Гаљарди потпретседателот на оваа корпорација пак вели дека Македонија ја избрале поради повеќе фактори. - Се разбира поддршката од Владата преку промовирањето на Македонија како привлечна  локација за производство одигра важна улога, но анализиравме и бројни други фактори како расположливоста на добра локација, нашата способност за наоѓање добри бизнис партнери и општата економска конкурентност, а најважно е од се нашето верување дека ќе можеме да најдеме вредни и обучени луѓе во регионот, рече Гаљарди. Во план е и обука на кадри за потребите за вештини за кроење и шиење на нивните производи со применување на најновите достигнувања во техники за ефикасно производство при што ќе се помогне да се разберат специфичните барања на нивните клиенти.