Инженерот Николовски создаде софтвер за претворање во говор на пишаниот македонски јазик
Објавено во: Македонија 13 Мај, 2020
Софтверскиот инжинер Марјан Николовски направи врвен технолошки пробив од огромна важност и значење за Македонија со прв софтвер од ваков вид со кој пишаниот текст на македонски јазик автоматски се претвора во говор, пишува kolozeg.info.
Софтверот е готов и може веднаш да се користи на страницата https://maika.mk/ а најавата на МАИКА софтверот на Марјан Николовски на Linkedin ја пренесуваме во целост подолу.
Денес сакам да го објавам нашиот најнов производ „МАИКА“, кој ми е посебно при срце поради вредноста која ја носи за нашата земја.
Софтверот „МАИКА“ е бесплатна алатка којашто претвора текст на македонски јазик во говор. „МАИКА“ е следниот логичен исчекор што ќе придонесе кон збогатување на алатките и инфраструктурата на македонскиот јазик.