ИРИ: 70 одсто од ѓраѓаните незадоволни како се трошат нивните пари

Добивај вести на Viber

Американскиот републикански институт ИРИ спроведе теренска анкета чии податоци покажале дека граѓаните на Македонија најмногу се загрижени за правецот во кој се движиме како земја, а исто толку загрижени се и за двете кризи - економската и политичката кои ја тресат Македонија со месеци.

Според анкетата на овој институт 55 одсто од граѓаните сметаат дека актуелниот премиер и лидер на ВМРО ДПМНЕ не заслужува да биде реизбран и да добие уште еден мандат. Овие податоци велат дека лани 38 одсто од граѓаните сметале дека премиерот не ја ужива довербата во граѓаните.

Дека премиерот треба да си поднесе оставка сметаат 35 одсто, 27 веруваат дека треба преодна влада, а дека кризата ќе се реши доколку владините министри си поднесат оставки е мислење на 19 одсто од граѓаните.

Во врска со опозициските „бомби“43 одсто од граѓаните слушнале дел од разговорите,14 осто не ги слушнале, но знаат за нив, а дури 65 одсто велат дека се автентични.

Според 33 отсто од граѓаните, зад прислушувањето стои Управата за безбедност и контраразузнавање, а според 34 отсто странска тајна служба.

Во врска со кумановскиот инцидент 49 процетнти од испитаниците сметаат дека зад инцидентот стои Владата, а  вооружената група била ангажирана и платена од политички или владини лица за да предизвика дестабилизација на државата, а според 22 отсто групата постапувала самостојно со барања до македонската Влада.

На прашањето кој им платил на вооружените терористи за да ја дестабилизираат Македонија, најголем број или 34 отсто одговориле Владата, 30 отсто одговориле дека не знаат, а 8 отсто одговориле ВМРО-ДПМНЕ.

Поголем број, односно 36 отсто сметаат дека полициската акција имала за цел да ја дефокусира јавноста од „бомбите“ на опозицијата кои беа објавувани тој период, а 34 отсто сметаат дека било неопходно да се преземе акцијата за да се превенира напад.

Се помал е и бројот на граѓаните во владините политики поврзани со економските проблеми. Процентуално 58 од граѓаните не им веруваат на стратегиите на владата а 33 одсто веруваат во нив.

Доколку денес се одржат избори 49 одсто граѓани би излегле да гласаат , а 22 најверојатно.

Најнезадоволни се граѓаните од начинот на кој се управува со нивните пари. 70 одсто од испитаниците велат дека се исклучени од јавните прашања се покажува и преку тоа што само 8 отсто одговориле дека прашале во државна или локална институција како се трошат парите од даночните обврзници, 51 отсто од граѓаните никогаш не се сетиле да прашаат, а 37 отсто сакале да прашаат но никогаш не го направиле тоа. Од малите 8 проценти, 5 проценти рекле дека не се задоволни од одговорот што го добиле.

Целиот извештај може да го погледнете тука.