ИСТРАЖУВАЊЕ: Секој петти излечен од Ковид-19 добил психичка болест
Објавено во: Свет, Корона Вирус 10 Ноември, 2020
Секој петти излечен од Ковид-19 добил психичка болест, тврдат научници.
Истражувачите од Универзитетот Оксфорд, го објавија овој податок по направено големо истражување кое покажало дека 20 проценти од заразените развиле ментални проблеми во рок од три месеци.
Најчести нарушувања биле анксиозност, депресија и несоница, но истражувачите откриле и поголем ризик од деменција.
„Лекарите и научниците ширум светот се обидуваат да ги утврдат причините за ментални нарушувања што е можно побрзо и да најдат одреден третман за лекување на психата по заздравувањето од коронавирусот“, вели истражувачот Пол Харисон.Студијата, која е објавена во психијатрискиот журнал „Лансет“, електронски анализирала податоци од 69 милиони луѓе во САД, вклучувајќи 62.000 кои биле заразени со коронавирусот.