„The greek observer“: Истрел против Грција од Иванов и Захариева за прашањата на името

Добивај вести на Viber

Во истиот дух и со истрели против Грција беа вчерашните изјави на претседателот на Македонија Ѓорге Иванов и министерот за надворешни работи на Бугарија Екатерина Захариева во спорот за името, пишува грчкиот медиум „thegreekobserver“.

Еден ден по потпишувањето на Договорот за пријателство и соработка помеѓу Бугарија и Република Македонија, за време на заедничкото одбележување на годишнината од Илиден (1903 година) Иванов индиректно ја обвини Грција за уцена, пишува понатаму погоре наведениот медиум.

Како што се наведува, „поконкретно, тој рече дека има луѓе кои тврдат дека „македонскиот идентитет е украден и дека тоа ни било наметнато или шверцувано, или тврдат дека е лажен, и преку него ја криеме вистината за тоа кој сме во реалноста“.

Тој дојде до заклучок дека е можно да се постигне договор со Грција, но инсистираше на тоа дека треба да има „соодветна клима“.

Во меѓувреме, бугарскиот министер за надворешни работи Екатерина Захариева за време на интервју со медиумите во Скопје упати совети против грчката страна во врска со решавањето на проблемот, истовремено велејќи:

„Бугарија сака решение на спорот за името да не биде поврзана со Северните географски поими“, предизвикувајќи провокативен билатерален спор меѓу Грција и БЈРМ“, додава „thegreekobserve“.

Г-ѓа Захариева целосно се согласи со Владата на Македонија, укажува на тоа дека грчката страна не придонесува за решение, бидејќи како што рече таа дека „примерот на македонската влада е мотив и се повикувам на пораката на премиерот Заев за одлуката на проблемите со соседните земји, бидејќи кога има тешкотии со тројца од четворицата соседи, тоа би требало да нè натера да се преиспитаме каде се наоѓа проблемот. Кај соседот или кај себе како политичар?“-се посочува во текстот.

Со изненадувачките погоре изјави Софија изгледа не покажува дух на „европска солидарност“ кон Атина, заклучува во текстот „thegreekobserve“.