ИТАЛИЈА ГИ СУСПЕНДИРА ПАРИТЕ ЗА ГАЗА: Членови на УНРВА учествувале во нападот на Хамас врз Израел?

Добивај вести на Viber

Италија го суспендираше финансирањето на Агенцијата на ОН за палестинските бегалци. 

Италијанскиот министер за надворешни работи Антонио Тајани денеска објави дека земјата го суспендирала финансирањето на Агенцијата на ОН за палестински бегалци (УНРВА) поради нападот на Хамас врз Израел на 7 октомври.

„Работиме на хуманитарна помош за Палестинците додека ја штитиме безбедноста на Израел“, рече Тајани во објавата на платформата Х.

Претходно, Австралија и Канада, го прекинаа финансирањето на УНРВА, откако Израел обвини неколку вработени во агенцијата за вмешаност во нападот на Хамас врз јужен Израел во октомври лани. Пени Вонг, министерка за надворешни работи на Австралија, денеска изјави дека е многу загрижена поради обвинувањата против УНРВА, пренесува Гардијан.

Според неа, Австралија ја поддржува најавата за покренување истрага за наводите против организацијата. Вонг, исто така, истакна дека УНРВА спасува животи и обезбедува основни услуги во Газа директно на оние на кои им е потребна. Канадскиот министер за меѓународен развој Ахмед Хусен вчера објави дека Отава „привремено го паузира финансирањето на УНРВА додека не се спроведе детална истрага“.

САД во четвртокот го суспендираа финансирањето на УНРВА, повикувајќи се на сомневања дека 12 членови на персоналот „можеби биле вклучени“ во нападот на Хамас што ја предизвика војната во Газа.

Хамас на 7 октомври лани изврши напад на Израел, уби над 1.400 израелски цивили и странци кои биле на фестивал во јужниот дел на државата.