ЈАНАКИЕСКИ, ЈАНКУЛОСКА И ПРОТОЃЕР ПРИЗНАА ВИНА: Паднаа извинувања за „Титаник“

Добивај вести на Viber

Криви биле и се извинија. Обвинети во случајот „Титаник“ кој го почна поранешното СЈО, на денешното рочиште признаа вина за случајот. На обвинителна клупа се поранешната министерка Гордана Јанкулоска, екс министерот Миле Јанакиески, како и поранешниот генерален секретар на Владата, Мартин Протуѓер. Сите беа обвинети за злосторничко здружување и неколку кривични дела поврзани со изборни нерегуларности, а освен поранешните функционери за случајот беа обвинети вкупно 21 лице.

Судењето за овој случај неодамна се врати од почеток, и затоа и по четири години судење, обвинетите повторно добија шанса да се изјаснат за вина. За нив постапката се раздвојува, по што ќе следуваат завршни зборови и пресуда.

Судењето пак продолжува за останатите, во фаза на доказна постапка.

Во случајот обвинети се поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, Илија Димовски, Мунир Пепиќ, Едмонд Темелко, Леко Ристоски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

Сакам да кажам пишува дека се очекува денеска да продолжи судењето и доказната постапка за осуммината кои признаа вина, додека за останатите обвинети кои не се чувствуваат виновни, меѓу кои Никола Груевски, Илија Димовски, Билјана Бришковска-Бошковски, Кирил Божиновски и останатите, судењето продолжува на 9 март.

Првообвинет во оваа група е избеганиот Никола Груевски.