Јавниот долг на Хрватска се движи кон 82 одсто од БДП
Објавено во: Балкан 10 Февруари, 2015
Јавниот долг на Хрватска, кој кон крајот на октомври минатата година достигна 261,5 милијарди куни, до крајот на годината ќе порасне на приближно 269 милијарди куни или 82 посто од бруто домашниот производ, односно околу 36 милијарди евра.
Најновите податоци на Хрватската народна банка се во согласност со методологијата на ЕСА 2010, а се однесуваат на вкупниот долг општо на цела држава, долгот на централната држава, фондовите за социјална безбедност и локална држава.
Во однос на септември, вкупниот јавен долг во октомври лани пораснал за 5,6 милијарди куни или 2,2 одсто, додека на годишно ниво забележал раст од 26,4 милијарди куни или 11,2 одсто.
Значаен раст на јавниот долг, истакнуваат од РБА, од речиси 11 милијарди куни или за 4,4 одсто, е забележан во споредба со крајот на 2013 година.
Како што најголемиот дел од државниот долг е деноминиран во странска валута, претежно во евра, на зголемување на изностот на долгот деноминиран во домашната валута влијаел и растот на еврата кон куните за 0,6 посто годишно.
Од вкупниот износ на долг на општата држава, на крајот на октомври минатата година повеќе од 160 милијарди куни, значи 61 одсто од вкупниот износ, се однесува на внатрешниот долг, додека 101,4 милијарди куни или 39 одсто, го сочинуваат долгот кон странски доверители.
Имајќи ја предвид висината на фискалниот минус и достигнатите неплатени обврски, до крајот на годината се очекува јавниот долг да достигне ниво од околу 269 милијарди куни или 82 посто од БДП, пренесува порталот Seebiz.