Job Fair – Чекор поблиску до твојата кариера!
Објавено во: Мои пари 15 Април, 2016 10:04
Бордот на Европски Студенти по Технологија-БЕСТ - Скопје со особена чест Ви го најавува дванаесеттото по ред издание на Саемот за вработување и кариера – Job Fair 2016. Настанот ќе трае од 4 – 10 мај 2016. Ќе започне со официјално отворање и networking настан на 4 мај, а потоа следуваат денови на штандови на ГФ/АФ на 5 и 6 мај, и на кампусот технички факултети на 9ти и 10ти мај.
Job Fair е најголемиот настан кој го организира БЕСТ – Скопје. Минатогодишниот Job Fair 2015 се покажа како најуспешниот до сега со 26 компании-учеснички, врвни во својата област, и со посетеност од над 4000 студенти на деновите на штандови.
Овој саем е одлична можност компаниите-учеснички да стапат во директен контакт со нивните потенцијални вработени, а студентите да се информираат повеќе за компаниите, нивните понуди, како и нивните главни активности. На деновите на штандови, компаниите ќе ја претстават својата дејност, како и целите и потребите насочени кон амбициозен и квалификуван кадар.
На Job Fair заинтересираните студенти ќе имаат можност да присуствуваат на разни предавања, презентации, soft skills тренинзи и натпревари одржани од страна на компаниите. Студентите целат кон квалитетна пракса или работно место, а тоа е она што Job Fair им го нуди. Сè што студентите и (пост)дипломците треба да направат е да го остават своето CV на http://www.jobfair.org.mk/
. Истото ќе стане дел од нашата динамична датабаза, до која имаат пристап сите компании учеснички во текот на целата година.
Традиционално, оваа година БЕСТ-Скопје се стреми кон уште поголем и поуспешен Job Fair. Затоа, оставете CV на http://www.jobfair.org.mk/ , следете ги информациите, и бидете чекор поблиску до вашата кариера!
_________________
БЕСТ- Борд на Европски Студенти по Технологијае непрофитна и неполитичка организација која на студентите им дава можност да го прошират своето знаење за теми кои го надополнуваат нивното образование преку организирање академски курсеви, инженерски натпревари, симпозиуми за едукација, тренинзи и културни размени. Од друга страна, БЕСТ исто така се стреми да го прошири пазарот на трудот преку саеми за вработување и кариера, работилници воедно и водење на интернационален центар за кариера.
Можеби ќе ве интересира
Пивара Скопје и РФМ потпишаа договор за спонзорство – 45 години партнерство и поддршка за македонскиот ракомет
Волшебно новогодишно одбројување во Дајмонд мол до крајот на декември
Гевгелија Мол ги отвори вратите – шопинг и забава под еден покрив
СЕТЕК РОДЕНДЕН во СИНО – блискост, радост и исполнети желби
Како да заштедите во сезоната на големи трошоци? Искористете ги бонус поените на Халкбанк
Gold Felicia Тетово – идеална дестинација за корпоративни празнични забави
ВИДЕОЛОТАРИЈА ЈА РЕАЛИЗИРАШЕ ТРАДИЦИОНАЛНАТА 25 КРВОДАРИТЕЛНА АКЦИЈА
Еден чекор ве дели од длабинска хидратација – откријте ја тајната на совршената кожа!
Штефан Павлињек во „бизнис-клуб плус“: „Вработувањето на младите по завршувањето на нивното образование е можност да се спречи нивното иселување“
