ЈСП уверува: Се е во ред со електронските картички, граѓаните и натаму неажурни

Добивај вести на Viber

Од Јавното сообраќајно претпријатие уверуваат дека се е во ред со новиот систем за електронска наплата кој се применува веќе неколку месеци, а од почетокот на годинава е и задолжително да се поседува електронска картичка. 

Сепак, граѓаните и покрај долгите најави дека нема да се продаваат билети во автобус не успеваат навреме да ги надополнат електронските картички со „кредит“, што од неажурност, што од мал број на продажни места. 

Според директорот на ЈСП Игор Јанушев, најголема штета за превозот била направена со погрешното информирање на медиумите поради што граѓаните биле доведени во заблуда, додека системот функционирал речиси беспрекорно.

Како неточни и дезинформација ги отфрли информациите дека цените на билетите на ЈСП ќе се покачат од февруари. Според него, билетот повторно ќе чини 35 денари, додека рокот од 15 дена за билетите за 10 возења кои чинат 250 денари имаат рок на траење од 15 дена, исто како и претходно.

Јанушев на денешната прес конференција, апелираше до корисниците на градскиот превоз да не ги фрлаат неперсонализираните картички, туку истите да ги надополнуваат со средства во продажните места на ЈСП.

Останува да виси во воздух и прашањето каде освен во билетарниците на ЈСП кои и онака се малку на број ќе може да се надополнуваат електронските картички со кредит за возење или специфични билети. 

Наскоро се очекува и двата мобилни оператори да се вклучат во системот на електронска наплата на билети со телефон во возило, но на овој начин билетот е поскап.