Јутјуб се збогува со „Flash“, преминува на „HTML5“

Добивај вести на Viber

Најпопуларниот сајт за емитување на видео снимки ќе користи „HTML5“ видео како стандард за пребарувачите „Chrome“ , „, Internet Explorer 11“, „Safari 8“, но и за актуелната бета верзија на „Firefox“, пренесува The Verge. 4

Еден од инжиниерите на Јутјуб Ричард Лидер рекол дека дошло крајно време да дигнат раце од „Adobe Flash“ и да преминат на „HTML5“ чија употреба веќе станала вообичаена кај паметните телевизори и бројни останати уреди за емитување на видео записи.

Јутјуб со години експериментираше со „HTML5“ , а колегата на Лидер, инжиниерот Џон Хардинг, за предностите на овој јазик за стрници свртени кон видео содржина пишувал уште во 2010 година.

Според неговите зборови, иако „HTML5“  можелда овозможи прикажување на видео снимки на уреди кои не поддржуваат „Flash Player“ како што е Ајфон, состојбата од 2010 година до денеска искчучително се изменила во корист на „HTML5“.

Лидер објаснил како еден од клучните моменти бил кога „HTML5“ го усвоил т.н. прилагодлив битрјт  (Adaptive Bitrate, ABR), со помош на кој Јутјуб може поефикасно да ја менува резолуцијата на видео снимките во зависност од квалитетот на интернет конекцијата.

ABR на светско ниво го преполови времето на баферување, а таа технологија исто така отвара бројни можности за корисниците на уреди како што се „Xbox One“ и „PlayStation 4“ или плеер како што е „Chromecast“.

Овој потег на Јутјуб додатно ја потресе релевантноста на „Adobe Flash“ во современата ера на интернетот. И самиот „Adobe“ во последните години се обидувал да го осовремени овој производ, за да на корисниците им понуди нови и квалитетни услуги, но и потезите не секогаш имале многу успех.