„Јужен поток“ ќе и помогне и на Србија и на Европа

Добивај вести на Viber

Руската Федерација придава големо значење на спроведувањето на пан-европскиот проект „Јужен поток", што ќе ви овозможи поврзување на источните и западните делови на Европа. Како што изјави рускиот амбасадор Александар Чепурин, Русија придава големо значење на „Јужен поток“ поради позитивната ориентација кон европското соединување, пренесоа српските медиуми Тој синоќа истакна дека ова ќе биде нов чекор за „процветување“ на Европа, која повеќе нема да биде ограничена од никакви „Берлински ѕидови". Затоа, додаде тој, рускиот претседател Владимир Путин, не беше без причина присутен на почетокот на изградбата на овој голем инфраструктурен проект. Србија и Русија секогаш ќе бидат дел од еден европски континентот, рече Чепурин и истакна дека „Јужен поток" е еден од најголемите инфраструктурни проекти во Европа, што ги поврзува источните и западните делови на континентот. Тој истакна и дека „Јужен поток" е руски проект во кој освен руски, присутни се акционери од Германија, Франција и Италија, а во проектот се вклучени 10 земји. „Јужен поток" од 2020 година треба да обезбеди околу 10 проценти од потребите за гас во Европа, односно на континентот ќе дотекуваат 63 милијарди кубни метри од потребните 630 милијарди. Чепурин  посочи на позитивните изгледи за развој на пазарот на гас во Европа, со оглед на тоа што годинава во ЕУ потрошувачката на гас се зголеми за 12 проценти.