ЈУЖНА КОРЕЈА ЈА ОТВОРИ ЗЕМЈАТА ЗА СТРАНСКИ РАБОТНИЦИ: Квотата е 165.000 луѓе, се бараат работници за во ресторани, хотели, во рударската и шумарската индустрија

Добивај вести на Viber

Jужна Кореја има само 170 вработени кои ги прегледуваат податоците за странските работници. За да се постигне целта за зголемување на квотата на странски вработени на 165.000, секој функционер треба да прегледа речиси илјада податоци.

Корејските бизниси кои се соочуваат со недостиг на работна сила, нетрпеливо ја чекаат обработката на барањата за работна дозвола. Иако корејската влада најави зголемување на квотата на странски работници на 165.000 оваа година, Chosun Daily наведува дека обработката на документите е многу бавна поради недостигот на специјализиран кадар во рамките на човечките ресурси, а реализацијата на овој проект ќе има многу тешкотии.

Главниот извршен директор на компанијата за компоненти за климатизација, г-дин Ли, се обиде да регрутира странски работници со основни вештини на почетокот на оваа година, откако двајца корејски работници ја напуштија компанијата минатата година.

Поради природата на бизнисот на компанијата, нарачките за делови за ладење се зголемуваат по зимата. Поради ова, компанијата на г-дин Ли планира да вработи и обучи странски работници овој период за да почнат да работат фабриката веќе во март или април.

Г-дин Ли вели дека: „минатата година слушнал дека корејската влада поставила цел 165.000 странски работници да добијат дозвола да влезат во земјата оваа година, што е најголем број досега“.

- Тогаш бев многу возбуден што ќе ја започнам продукцијата од новата година. Оттогаш чекам и сè уште не сум добил известување што ќе ми овозможи да се пријавам и да регрутирам странски работници - додава тој.

Според вестите објавени на 30 јануари во весникот Ханкок Илбо, корејската влада најавила дека значително ќе ја зголеми квотата со тоа што ќе дозволи регрутирање на 165.000 странски работници преку визата Е-9 (работна виза за неквалификувани работници). Овој прилив на работници би го компензирал недостатокот на човечки ресурси во многу индустрии годинава.

Но, Министерството за јавна администрација и безбедност го одби барањето на Министерството за вработување и труд за зголемување на персоналот задолжен за процесот на прегледување документи и натамошно управување со увезените странски работници.

Аплицирањето за дозволи за регрутирање странци во 2024 година започна на 29 јануари, речиси три месеци подоцна од минатата година.

Поентата е дека оваа работа оди подалеку од само прегледување на документацијата. Персоналот задолжен за регрутирање странски работници мора и физички да ги провери капацитетите во кои ќе престојуваат работниците при нивниот првичен влез во земјата. Нивната работа вклучува и проверка на работното место каде што странските работници ќе ја вршат својата работа, следење на повредите при работа на странски работници и контрола на договорите за работа кои повеќе не важат.

Ова е исто така прва година кога Кореја го прошири опсегот на работници дозволувајќи им да работат во ресторани, хотели, шумарство и рударска индустрија.