ЈУЖНА КОРЕЈА: Ким е исплашен од Ковид-19 и се крие
Објавено во: Свет, Корона Вирус 28 Април, 2020
По бурата шпекулации дека починал, дека е во
животозагрозувачка состојба по операцијата на срце, па и дури дека загинал во
екплозија, официјален Сеул денеска објавува дека севернокорејскиот лидер Ким
Јонг Ун не се појавува во јавноста бидеќи се плаши од коронавирусот.
Според наводите на јужнокорејскиот министер за Северна Кореја, Јеон Чул, Ким се плаши за своето здравје од Ковид-19, бидејќи припаѓа во ризичната група поради неговата гојазност. Вели дека сега е на сигурно додека не помине опасноста.
-Вистината е дека Ким никогаш не го пропуштал роденденот на својот дедо, откако дојде на власт, но многу други манифестации се откажани поради страв од коронавирусот- изјавил Јеон Чул, на заседавање на парламентот и додал дека мисли дека ништо епохално не се случило, освен дека Ким се сокрил од јавноста.
Инаку, во светот се проширија низа шпекулации дека Ким е сериозно болен, откако на 15 април не се појави на роденденот на неговиот дедо, па веднаш потоа почнаа да се појавуваат теории кој ќе го наследи.