КАЈА КАЛАС: НАТО има три до пет години да се подготви за војна со Русија

Добивај вести на Viber

Според естонската премиерка Каја Калас, НАТО има три до пет години да се подготви за можна директна конфронтација со Русија.

Минатата недела германските медиуми тврдеа дека Берлин се подготвува за непријателства со Русија, кои според нив може да да се случат уште во летото 2025 година. Москва ги отфрли ваквите шпекулации.

Премиерката Калас за Тајмс рече дека естонската разузнавачка служба VLA предвидела временска рамка од три до пет години. Таа додава дека многу е важно дали ќе го задржат единството во однос на Украина. 

„Она што Русија го сака е пауза, а оваа пауза е за да ги собере своите ресурси и сила. Слабоста ги провоцира агресорите, па слабоста ја провоцира и Русија“, изјави таа за британскиот весник.

Овој месец, Естонија, која ја дели границата со Русија, вети 1,2 милијарди евра (1,3 милијарди долари) помош за Украина до 2027 година. Минатата недела, украинскиот претседател Володимир Зеленкси ја посети Естонија, како и Латвија и Литванија.

Украинската влада со години тврди дека нејзината борба со Русија била во одбрана на Европа, тврдејќи дека таа ги споделува демократските вредности на Украина.

Американскиот претседател Џо Бајден тврдеше дека Москва може да нападне земји на НАТО, ако ја победи Украина, а во такво сценарио Американците ќе мора да ги бранат Европејците. Откако почна војната во Украина на 24 февруари 2022 година, Русија се закануваше на повеќе земји.