КАКО ИЗГЛЕДА УТРИНАВА ГРАНИЧНИОТ ПРЕМИН КОН СРБИЈА: На Табановце колони возила со граѓани кои ќе се вакцинираат во Белград, Ниш...
Објавено во: Македонија 27 Март, 2021
Од утринава
колони возила ја напуштаат Македонија. Камерите на Граничниот премин на Табановце покажуваат километарски колони од автомобили и автобуси со граѓани
кои одлучија да се вакцинираат против корона вирусот кај нашиот северен сосед.
Иницијативата за масовно вакцинирање во Белград, но и на други вакцинални пунктови ја покренаа стопанските комори од регионот, па така од вчера, но и во текот на викендот се очекува илјадници граѓани да се вакцинираат.
Дел од нив за Фактор изјавија дека ова е шанса да си го заштитат здравјето од опасниот вирус.
-За жал кај нас многу се оддолжи процесот на вакцинација. Премногу долго се чека да стигнат вакцините. Кој знае кога би можел да дојдам на ред. Ова е можност која ќе ја искористам да си го заштитам сопственото здравје, но и да не претставувам ризик за останатите со кои постојано сум во контакт, вели скопјанецот Слободан. Б, кој со неколку пријатели утринава се упатија во Ниш.
А.Б.