Како нашите банки ги прават големите пари? Прочитајте!

Добивај вести на Viber

Наједноставно и во груби црти речено ова значи следново: банката за парите што ги зема од штедачите им плаќа 1 денар, а за истите тие пари или за сопствените средства кои ги дава на клиенти како кредити наплаќа од 2,5 до 3 денари! Тука е клучниот генератор на профитите на банкарскиот сектор. Македонските деловни банки во континуитет се меѓу најуспешните домашни компании. Како што веќе пишувавме трите најголеми домашни банки заедно имаат профит лани во износ што надминува 50 милиони евра. Логичното прашање кое си го поставуваат многумина кога ги читаат тие податоци за проифитите е како големите македонски деловни банки ги прават големите пари? Настрана од сите, издржани, анализи за деловното работење со многубројни графици, табели и коефиценти, чистата логика покажува: големите пари односно профитите се во најголем мерка разлика во камитите. И тоа позитивна разлика за банките помеѓу парите што банката ги наплаќа од камати на кредитите што ги дава на своите клиенти и меѓу средствата што ги издвојува за камати на депозитите на своите штедачи и клиенти. Лани тенденцијата на пад на каматните стапки беше забележлива кај кредитите и кај депозитите, но кај вторите беше особено изразена. Еве што покажуваат податоците: кај трите најголеми банки „Стопанска банка Скопје“, „НЛБ Тутунска банка“ и кај „Комерцијална банка“. Генерално, расходот за камати односно во најголема мерка она што банките го плаќаат за депозитите на клиентите не надминал 35 отсто и се движи меѓу 25 отсто и 35 отсто од целиот приход за камати. Наспроти тоа нето приходот од камати, односно она што го добиваат банките за кредитните пласмани, изнесува од 65 до 75 отсто од сите приходи наплатени од камати. Наједноставно и во груби црти речено ова значи следново: банката за парите што ги зема од штедачите им плаќа 1 денар, а за истите тие пари или за сопствените средства кои ги дава на клиенти како кредити наплаќа од 2,5 до 3 денари! Тука е клучниот генератор на профитите на банкарскиот сектор.