Како работат и колку печалат друштвата што управуваат со македонските инвестициски фондови?
Објавено во: Финансии 05 Мај, 2017 08:16
Младата мала и кревка индустрија на институционални инвеститори во Македонија годинава бележи добри дури и солидни резултати. Три друштва кои управуваат со отворени инвестициски фондови: КБ Публикум, ВФП Фонд менаџмент и КД Фондови 2016 година ја завршија со добивки. Мали, но значајни особено затоа што треба да дадат ветер во едра на идните клучни играчи на нашиот пазар на капитал. Заклучно со крајот на март годинава трите друштва управуваат фондови вредни 70 милиони евра!
Трите друштва кои управуваат со отворени инвестициски фондови: КБ Публикум, КД Фондови и ВФП Фонд менаџмент лани заедно оствариле добивка од 315.000 евра! Ова е охрабрувачки податок, светла точка за кратката историја на македонските друштва кои управуваат со доброволни отворени инвестициски фондови кои се основани и работат во Република Македонија. Овие друштва заедно вработуваат 14 лица, а управуваат со 10 инвестициски фондови во кои се вложени 4,26 милијарди денари односно околу 70 милиони евра!
КБ Публикум лани со добивка од 12,1 милиони денари
Ова друштво има 5 мина вработени (според извештајот на независниот ревизор за 2016 година) и лани од своето работење остварил нето добивка од 12,1 милиони денари и добивката на друштвото пораснала за 2 милиони денари во однос на 2015 година. Вкупните приходи на овој фонд лани биле 22,1 милиони денари и тие во однос на претходната година се повисоки за 2,8 милиони денари. Друштвата кои управуваат со отворени инвестициски фондови своите приходи ги остваруваат од влезни и од управувачки провизии. Ова друштво управува со вкупна актива која надминува 2,62 милијарди денари односно 42,5 милиони евра. Средствата се организирани во четири отворени инвестициски фондови. Најголем е фондот КБ Публикум паричен во кој има 1,94 милијарди денари. Втор по вредност е КБ Публикум Обврзници со вредност од 374,8 милиони денари, трет КБ Публикум Балансиран со 242,35 милиони денари вредност и најмалиот формиран пред еден месец е КБ Публикум МБИ-10 (вложува во акциите од индексот МБИ-10) кој вреди 65,28 милиони денари.
КД Фондови втори по големина, со добивка од 1,37 милиони денари
Ова друштво на пазарот на капитал управува со четири фондови и има шестмина вработени (според извештајот на независниот ревизор за 2016 година). Вкупните приходи од влезни и управувачки провизии лани биле 9,86 милиони денари кои во однос на 2015 година биле за 1,8 милиони денари пониски. Добивката на друштвото за лани е 1,37 милиони денари и таа е повисока за 0,5 милиони денари од остварената добивка во 2015 година. Најзначаен отворен фонд со кој управува ова друштво е КД Кеш депозит со вредност од 721,8 милиони денари (на крај на март 2017 година). Фондот Топ брендови вреди 85,3 милиони денари, КД Брик е со вредност од 53,7 милиони денари и КД Нова ЕУ е најмал и со вредност од 26,3 милиони денари. Вкупната вредност на четирите фондови е 887 милиони денари според податоците за првиот квартал 2017 година.
ВФП Фонд менаџмент со добивка од 96.000 евра 5,9 милиони денари
Ова друшто според бројот на вработени и средствата со кои управува е најмало од трите друштва. ВФП има три вработени (според податоци од извештајот на независниот ревизор за 2016 година). Управува со два отворени инвестициски фонда од кои ВФП Кеш депозит е со вредност од 443 милиони денари и ВФП Премиум инвест е со вредност од 310,1 милиони денари. Лани друштвото остварило приходи од управувачка провизија и од влезна провизија во износ од 22,5 милиони денари и тие се повисоки за 7,3 милиони денари од 2015 година. Добивката на друштвото е 5,9 милиони денари и е за 3,4 милиони денари поголема од 2015 година.
Р.Ф.* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
