КАКО ТОА ТИЕ БИЛЕ ИЗМАМЕНИ И НЕПЛАНИРАНО СЕ СЛИКАЛЕ НА ОФИЦИЈАЛНА ФОТОГРАФИЈА? Кузеска адресираше низа обвинувања до ВМРО-ДПМНЕ
Објавено во: Македонија 15 Септември, 2024
СДСМ денеска обвини дека секојдневно ВМРО - ДПМНЕ ги поткопува стабилните меѓународни позиции што ги изградиле додека биле на власт. Портпаролката на партијата Богданка Кузеска на прес-конференција рече дека со последната посета на Софија, претседателката Гордана Сиљановска-Давкова и ВМРО-ДПМНЕ ја загрозиле македонската самобитност и македонски идентитет.
- За прв пат еден македонски државник се сретнал со друг државник без никакви државни обележја и ова е скандал без преседан. Ова е навреда и омаловажување на државата и нејзините граѓани, рече таа.
Кузеска на прес-конференцијата изјави дека вчерашната реакција на кабинетот на претседателката Гордана Сиљановска само потврдува дека Владата и претседателката на оваа држава „ги лажат граѓаните“.
- Како тоа биле тие измамени и непланирано се сликале на официјална фотографија? Како ако биле измамени да се фотографираат сите без македонското знаме, одма побрзаа да ги објават фотографиите на своите профили. Зошто објавиле фотографии ако целата ситуација била подметната? ДПМНЕ и Сиљановска ја вреѓаат интелигенцијата на граѓаните. Тие свесно се сликале, свесно објавиле и се пофалиле со скандалозната посета, рече Кузеска.
Според неа, Сиљановска и ВМРО-ДПМНЕ иницирале дипломатски скандал со кој допуштиле Бугарија да ја понижи и да избрише под со државата и македонските граѓани.
-Ако ова е тоа што го може македонската дипломатија под водство на Мицкоски и Сиљановска, како тоа ќе преговараат подобри позиции во меѓусебните разговори? Сиљановска ли е таа која ќе ги води овие разгвори или пак Муцунски кој остана нем и без реакција на дипломатскиот скандал кој ни се случи?, рече Кузеска.
Обвини по овој скандал власта ја вратија државата години назад и ги нарушија сите позиции изградени претходно.
Можеби ќе ве интересира
Три возила опожарени во Кисела Вода, МВР презема мерки за расчистување на случајот
ИМ СЕ ИЗВИНУВАМ НА ГРАЃАНИТЕ ШТО ЗА 80 ДЕНА ВЛАДА, НЕ ГО СМЕНИВ ИМЕТО: Еве што вели премиерот за „Северна“
БУГАРСКИОТ АМБАСАДОР РАДУКОВ НА ОТЧЕТ КАЈ МУЦУНСКИ: Ќе се бараат објаснувања од бугарска страна
БИ БИЛ ДОБАР ГРАДОНАЧАЛНИК НА СКОПЈЕ: Ѓорѓиевски вели дека не се плаши од работа
„КОЈ ЦАЦКО ГИ НАТЕРА ДА ПРАВАТ ТУРИЗАМ ВО БУГАРИЈА?“ И Јакимовски за случајот со знамето во Софија
СЕ УКИНУВА УШТЕ ЕДЕН ЛЕТ ОД СКОПЈЕ: Нема веќе летање кон Сараево, грчката „Ејџиан ерлајнс“ ќе ги прекине сите летови
ДЕБЕЛО ЌЕ ПЛАТИТЕ АКО СОЗДАДЕТЕ ДИВА ДЕПОНИЈА: Ќе ви се одземе возило и ќе платите од три до пет илјади евра, иницијатор на казната е Ѓорѓиевски
ЕВЕ ВО КОИ ЗДРАВСТВЕНИ УСТАНОВИ СЕ ЛОЦИРАНИ НЕПРАВИЛНОСТИ СО ЈАВНИТЕ НАБАВКИ: Стојановски ги соопшти
ТОШКОВСКИ МУ ОДДАДЕ ПОЧИТ НА БОБАН ТРПКОВ: „Нека му вечна слава на херојот“
