ДЕБЕЛО ЌЕ ПЛАТИТЕ АКО СОЗДАДЕТЕ ДИВА ДЕПОНИЈА: Ќе ви се одземе возило и ќе платите од три до пет илјади евра, иницијатор на казната е Ѓорѓиевски

Добивај вести на Viber

Во своето гостување во Радио Слободна Европа, градоначалникот на Кисела Вода и претседател на ЗЕЛС Орце Ѓорѓиевски истакна дека неодамна предложената иницијатива за законски измени и зголемување на казните за создавачите на диви депонии, очекува да вроди со плод и да се спречи несовесното уништување на животната средина. 

Како што најави, казните би биле во висина од три до пет илјади евра и можност за одземање на возилото на сторителот.

 - Знаете како, од една страна треба да се влијае и на инспекторите. Но, еве во мојата општина имам неколку инспектори, значи дека не е дека немам инспекција, но постапуваат по тарифници, односно глобите се премногу ниски. И сега, ако земете во предвид одредена градежна компанија, која што во неколку наврати ја казнуваме за истата работа, претпоставам дека концептот нивни е, подобро ќе ризикувам да ме казни општината со 30, 40 или 50 евра, отколку да го носам отпадот во Дрисла. На овој начин сметаме дека ќе влијае во глобала на целата слика, затоа што ние генерално до сега се занимаваме со последиците. Сега ќе влијаеме на причинителот на сето тоа. И 30-тина години во државава ние генерално во политиката се занимаваме со решавање на последиците, но притоа никој не обрнува внимание на причинителите, односно на начинот на кој што доаѓаме ние да се занимаваме со последиците. Со казни во висина од 3 до 5 илјади евра и со можност за одземање на возилото на сторителот, на тие 2-3% од населението кое што поради нивната несовесност страдат сите наши сограѓани, дали е тоа во Скопје, дали е било каде во било која општина низ Македонија, сметам дека сериозно ќе влијаеме да се спречи таквата појава и дека ќе има што помалку такви појави во перспектива – истакна Ѓорѓиевски