„КАКОВ ШАМАР ЗА СИТЕ ШТО ПОВЕРУВАА ВО ПРИКАЗНИТЕ НА ЗАЕВ И ДИМИТРОВ ДЕКА СО ПРЕСПАНСКИОТ ДОГОВОР СЕ РЕШИ СПОРОТ СО ГРЦИЈА“: Мојсовска за изјавата на грчката европратеничка

Своевиден скандал за нас во Европскиот парламент, при расправата за Извештајот на Томас Вајц за нашата земја, вчера предизвика грчката европратеничка Афродити Латинопули од десничарската група Патриоти за Европа (ЕФП), која истакна дека таа е „вистинска горда Македонка“, а не „лажна како жителите на Скопје“. Таа ги поддржа и бугарските ставови за македонскиот идентитет и јазик, порачувајќи дека пристапувањето на земјава кон ЕУ „нема да се случи ниту на сон“. 

Спротивно од Латинопули, нејзиниот сонародник Константинос Абванитис од групата Левица оцени дека напредокот во пристапувањето треба да зависи од исполнување на Копенхашките критериуми и изрази надеж дека Европската комисија „ќе покаже иста ревност кон Западниот Балкан, како што покажува кон Источна Европа“.  

Со негативен став кон нас, очекувано, настапија и бугарските европратеници, како Ивајло Валчев, Станислав Стојанов, потоа Андреј Ковачев и останатите бугарски пратеници кои учествуваа во дебатата. 

Со реакција за Латинопули  се огласи Јована Мојсоска од Левица.

„Грчка европратеничка во Европскиот парламент: ,,Македонија е Грција, Скопје е бугарска националност, а ако сакате пристап во ЕУ, мора да ја ревидирате историјата."