Каква е оценката на Светска банка за економскиот раст во земјава во однос на регионот?
Објавено во: Економија 19 Октомври, 2023
Светска банка оценува дека Македонија ќе има најнизок економски раст и највисок буџетски дефицит во регионот.
Овие податоци се наведени во полугодишниот економски извештај за државите од Западен Балкан што денеска беше презентиран во Скопје. Најголем раст од 4,8 проценти ќе има Црна Гора по што следи Албанија со 3,6, Косово со 3,2, Босна и Херцеговина со 2,2, Србија со 2. Прогнозите за Македонија за економскиот раст се 1,8 проценти, а во 2024 година се очекува раст од 2,5, додека за 2025 година е прогнозиран раст од 2,9 проценти.
Јоана Маџоска, економист во Канцеларијата на Светска банка во Скопје, на денешната прес-конференција објасни дека растот во земјава почна да забавува во вториот квартал од годинава. Таа вели дека од стапка на раст од 2,1 процент во првиот квартал дојде до 1,1 раст во вториот квартал.
„Растот беше предводен од личната потрошувачка, бидејќи извозот и бруто инвестициите се намалија со намалувањето на глобалната потрошувачка. И личната потрошувачка забави во споредба со минатата година заради континуираната висока инфлација и забавеното кредитирање кои влијаеја врз куповната моќ на населението“, рече Маџоска.
Мерката за зголемувањето на ДДВ-то од 5 на 10 отсто, како што кажа Маџоска, нема значајно да влијае на инфлацијата.
Од Министерството за финансии велат дека Светска банка посочува дека владините мерки придонесоа кон враќање на едноцифрена инфлација.
Светска банка забележува дека невработеноста кај младите ќе продолжи да се намалува и за период од три години ќе се намали за околу 9 отсто. Стапката на сиромаштија во континуитет ќе се намалува, за да на среден рок кумулативно се намали за 20 отсто. БДП по глава на жител на среден рок ќе се зголеми за 7 отсто, а потенцијалот на македонската економија за раст ќе се зголемува како што земјата се приближува кон ЕУ преку реформскиот пат за структурни реформи и јакнење на економијата.
Три години по ред Македонија е со најмал економски раст во регионот.
Инфлацијата во Европската унија забавила во септември, по забавувањето на растот на цените во еврозоната благодарение на поевтината енергија, објави вчера Евростат.
На ниво на ЕУ, годишната стапка на инфлација, мерена со хармонизираниот HICP индекс, кој овозможува споредба меѓу земјите-членки, во септември паднал на 4,9 отсто, од 5,9 отсто во претходниот месец.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ЕВЕ КОЈ НА БАЛКАНОТ ПЛАЌА НАЈЕВТИНО ГОРИВО: Македонија е втора на листата
Вработени во АЕК тријат раце, ќе им се зголемуваат платите за 20 отсто
Заработи ли Доне Таневски над милион евра на грбот на малите акционери во „Македонијатурист“? На потег е КХВ!
НАЈМАЛКУ 250 НОВИ РАБОТНИ МЕСТА: Костал ја започнува третата инвестициска фаза
ЕК СЕ ЖАЛИ НА ОДЛУКАТА НА КИНА: Макрон вели „чиста одмазда“
ТЕЛЕКОМ СРБИЈА КУПУВА УДЕЛ ВО ФИРМА ЗА САЈБЕР БЕЗБЕДНОСТ ВО МАТИЧНАТА ДРЖАВА - зделката ќе ја разгледува и нашата Комисија за заштита на конкуренцијата
БУГАРИТЕ СЕ „ОТКАЖАА“ ОД МАКЕДОНИЈА – пандемијата ги „разруши“ туристичките патеки
БУКВАЛНО „ПЛАЧАТ“ ЗА СТРАНСКИ РАБОТНИЦИ: На Германија и се заканува колапс, им недостигаат повеќе од 300.000 работници од странство
ДАЛИ БЕРЗАТА ВЛЕГУВА ВО „SANTA CLAUS СКОК“: Еве што значи овој тренд
