Каква е оваа ситуација? Кризата ја јаде Македонија, а банките растураат со профити!

Добивај вести на Viber

Каква е оваа ситуација? Во политичка криза во земјава трите големи банки “Комерцијална“, НЛБ и „Стопанска Скопје“  за три месеци имаат профит од 19,25 милиони евра и при тоа растат нивните нето приходи од камати Очекувано „Стопанска банка Скопје“ во првиот квартал годинава има најголема добивка во конкуренција на трите најоглеми банки. Неочекувано и изненадувачки е тоа што „Стопанска банка Скопје“ сама има поголема добивка од другите две големи банки. Билансот на „Стопанска банка Скопје“ покажува дека нето приходот од камати за првите три месеци изнесува 878,17 милиони денари и е за речиси 55 милиони денари поголем од приходот по истиот основ постигнат лани. Банката добро држи и кај втората по големина приходна ставка – нето приходот од надоместоци и провизии и тој изнесува 228 милиони денари и дури бележи минимален раст. Од расходната страна на билансот евидентно е дека банката ја засилила кредитната активност затоа што го зголемила и износот на резервирани средства кои мора да ги чува заради ризик од лоши пласмани. Износот на резервациите во првиот квартала годинава е 124 милиони денари наспрема 85,3 милиони денари кои ги имала во истиот период лани. Значаен раст, а процентуално највисок, на трошоци банката има кај ставката расходи за вработените. Тука трошокот пораснал до износ од 193,56 милиони денари што е за 14 милиони денари повеќе од првиот квартал лани.   Во конкуренција на најголемите три банки најголеми нето приходи од камати има  „Стопанска банка Скопје“, пред „Комерцијална банка“ и НЛБ Тутунска банка. Од друга страна најголеми резервации има „Комерцијална банка“ и тие изнесуваат 394,4 милиони денари, додека другите две банки имаат резервации кои се пониски од 125 милиони денари. Р.Ф.