Какво време ќе имаме за викендот?

Добивај вести на Viber

Во наредните денови во Македонија се очекува стабилизација на времето. 

Земјата ќе биде под влијание на поле на висок воздушен притисок, кој што ќе условува претежно сончево време со студени ноќи и утра но и со појава на магла. Утре во утринските часови ќе има појава на магла која што понекаде ќе се задржи и претпладне. Во текот на денот ќе биде претежно сончево со локална облачност и студено. Утринските температури ќе се движат од -16 до -5 степени, а максималните дневни температури ќе бидат од -3 до 5 степени. Во вечерните часови ќе има појава на магла. Во сабота по студеното и магловито утро во текот на денот ќе биде претежно сончево со локална облачност и потопло време со температури од -15 до -3 степени. Во вечерните часови и во текот на ноќта се очекува појава на магла. Во недела во утринските часови ќе има појава на магла, а во текот на денот ќе имаме умерено облачно време со повремени сончеви периоди и потопло. Минималните температури ќе се движат од -11 до -1 степен, додека пак максималните од -1 до 7 степени. Во понеделник ќе има појава на магла и ниска облачност кои понекаде ќе се задржат во поголем дел од денот.