Кардиологот Сашко Кедев предложен за академик: Кои се другите имиња?
Објавено во: Македонија 07 Февруари, 2022
Кардиологот Сашко Кедев, писателот Венко Андоновски, поранешната кандидатка за претседател на Македонија Мируше Хоџа се меѓу неколкуте предложени кандидати за нови академици на Македонската академија на науките и уметностите (МАНУ).
Кандидати предлагаат одделенијата на МАНУ, а има предлози за редовни кандидати, за дописни членови и за членови надвор од работниот состав. Кедев е номиниран за редовен член на МАНУ. Од одделението за медицински науки освен тој е предложен и Александар Димовски.
Од одделението за општестевни науки за редовни членови предложени се Драги Ѓоргиев и Изет Зеќири, додека од одделението за лингвистика и литературна наука е предложен Марјан Марковиќ.
Предлози на кандидати за избор за дописни членови на МАНУ поднесени од одделенијата на Академијата, од сенати на универзитетите, од наставно-научни совети на факултетите и од совети на научните установи се Веселинка Лаброска и Лилјана Макаријоска во одделението за лингвистика и литературна наука; – Сашо Цветковски, Мируше Хоџа и Гордана Лажетиќ во одделението за општествени науки; – Дијана Плашеска-Каранфилска во одделението за медицински науки; – Зоран Хаџи-Велков во одделението за технички науки; – Кирил Сотировски и Валентин Мирчески во одделението за природно-математички и биотехнички науки; – Ангел Димовски-Чауш, Венко Андоновски и Лидија Капушевска-Дракулевска во одделението за уметност.