КАТАСТРОФА: Во Газа се уништени или оштетени 88.868 згради
Објавено во: Свет 21 Март, 2024
Во воените дејствија меѓу Хамас и Израел се уништени или оштетени 88.868 згради. Подетално, уништени се 31.198 објекти, 16.908 се тешко оштетени, а 40.762 претрпеле умерена штета. Сателитските снимки покажуваат 35 отсто од зградите во Газа се уништени или оштетени.
За проценката, УНОСАТ користеше сателитски снимки со висока резолуција собрани на 29 февруари. Има зголемување за скоро 20.000 оштетени згради во споредба со претходната проценка заснована на слики од јануари кои покажаа дека 30 отсто од сите згради биле оштетени или уништени, соопшти УНОСАТ, објави британски Гардијан.
Областа Кан Јунис е најпогодена, со 12.279 згради дополнително оштетени и 6.663 уништени. Војната меѓу Хамас и Израел почна лани на 7 октомври.