КАТИЦА ЈАНЕВА на листата жени кои ја менуваат Источна Европа: Нејзина задача е да донесе правда за македонските граѓани

Добивај вести на Viber

Специјалната јавна обвинителка Катица Јанева се најде во друштво на 21 жена од кои ја менуваат Источна Европа.

Оваа листа е изготвена од страна на германскиот онлајн магазин „Остпол“ во чест на 8-ми март празникот на жената.

За специјалната обвинителка овој магазин пишува дека Катица Јанева се соочува со ризик кој малкумина биле подготвени да го прифатат, а нејзината задача е да им донесе правда на македонските граѓани.

„Катица Јанева беше обвинител во мал град во Јужна Македонија, а сега е најпопуларната жена во Македонија. Како шеф на СЈО, таа се соочува со предизвикот да гони високи официјални лица, вклучувајќи го и поранешниот премиер Никола Груевски. Таа ја прифати работата, кога малкумина беа спремни да го преземат нејзиниот ризик.

Нејзина задача е да донесе правда за македонските граѓани, кои што беа жртви со децении на клептократски лидери и нивните арамски банди кои беа функционери и директори на компании. Оваа работа да ја работи жена, во земја која што сеуште се бори со силни стереотипи за жените, е значаен знак’’ – пишува магазинот анализирајќи ја првата дама на СЈО.

Овој магазин пишува дека на овој Ден на жената, повеќето жени во Источна Европа едвај добиваат цвеќиња и зборови за благодарност за работата која ја прават за семејството.