Катица Јанева оди во Шутка, доби 30 дена притвор
Објавено во: Македонија 21 Август, 2019
Судија на претходна постапка на специјалната обвинителка, Катица Јанева ѝ определи 30 дневен притвор во истрагата за случајот „Рекет”. Таа во случајот е третоосомничена.
Притворот го побара Обвинителството за гонење организиран криминал и корупција.
Јанева е осомничена дека ја злоупотребила службената положба и овластување и влијаела за поповолна позиција на осомничениот Орце Камчев во предметот на СЈО, „Империја”.
Веќе втор месец за истиот предмет во притвор се осомничените Бојан Јовановски и Зоран Милевски Кичеец.