Кинеските власти наредија ревизија на државниот долг

Добивај вести на Viber

Властите од Кина наредија целосна ревизија на државниот долг, што ги подгрева стравувањата дека неодамнешната криза во економијата може да се одрази во финансискиот сектор, јавува БиБиСи.

Локалните кинески власти значително се задолжиле по глобалната финансиска криза во обид да се одржи високи стапки на економски раст.

Последната ревизија на долгот од 2011 година покажа дека на крајот на 2010 година имале долгови од 1,7 милијарди долари.

Претходната ревизија на Националната ревизорска агенција, направена пред две години, покажала дека долгот на локалните власти зафаќал 25 отсто од вкупниот кинески јавен долг.

Во согласност со барањето на државниот совет Националната ревизорска агенција на Кина, ќе ги организира агенциите за ревизија во земјата, кои ќе направат преглед на јавниот долг.

Според податоците на кинеската регулаторна комисија за банки, локалните власти на крајот на 2010 година зеле 80 отсто од кредитите кои ги одобриле кинеските банки.

Дел од тие пари се инвестирале во инфраструктурни проекти, како патишта и железници кои се од витално значење за економскиот развој, но дел од парите се инвестирале и во секторот на недвижност. Постои сомневање дека овие проекти не се финансиски одржливи на долг рок.

„Голем дел од проектите  нема да имаат поврат каков што се очекувал. Тоа заедно со забавената економија, значи дека локалните власти нема добро да ги покријат финансиските вложувања“, оцени економистот на „Креди Агрикол“ Даријуш Ковалчик.

Загриженоста во Кина, вели тој, е голема поради ризичните кредити, бидејќи не е познат вистинскиот  обем на јавниот долг.