ЌЕ ДОБИЕ ОТШТЕТА: Овчар од Италија поминал во затвор 32 години поради тројно убиство што не го извршил
Објавено во: Свет 27 Јануари, 2024
Овчар од Италија поминал во затвор 32 години поради тројно убиство што не го извршил. Сега ќе добие отштета.
Тој е ослободен од затвор по повеќе од три децении за тројно убиство на островот Сардинија, дело кое не го сторил. Апелациониот суд во Рим синоќа го ослободи 58-годишниот Бениамино Зунчеду од сите обвиненија.
Претходно, друг суд го прогласи овчарот за виновен за убиство на тројца мажи и тоа сопственик на фарма, неговиот син и друг овчар во јануари 1991 година.
Ова е врз основа на сведочењето на уште еден човек кој бил тешко повреден во нападот. Прво велеше дека не го препознава напаѓачот, но потоа под притисок на полицијата ја смени изјавата. И во други земји во светот се случувало после долги години да се утврди дека одредено лице не го сторило кривичното дело за кое се товари.