Ќе мора некое време да живееме со вирусот, вели јапонски професор

Добивај вести на Viber

Не знам дали коронавирусот ќе трае со месеци или со години, вели  професорот Хитоши Ошитани од Универзитетот Тохоку. 

Тој ги советува јапонските префектури да преземат мерки во согласност со проценетиот ризик од коронавирус. 

Рекорден број нови случаи се потврдени во последните 24 часа на островот Хокаидо, а за прв пат од август во Токио се регистрирани над 300 новозаболени лица.

„Не постои единствено решение за целата земја и затоа предложивме префектурите да воведат мерки засновани на нивните проценки на ризик“, изјави Ошитани.

Најголемиот број случаи регистрирани во Хокаидо се концентрирани околу населби со ноќни клубови, барови и дискотеки, а во Осака најголем број новозаразени има во домови за стари лица и во болници.

Со 108.000 потврдени случаи од почетокот на пандемијата и 1.840 смртни случаи од Ковид-19, Јапонија е на врвот на листата на земји кои успешно се справуваат со епидемијата. 

Иако владата во Токио вети дека ќе обезбеди бесплатна вакцинација, професорот Ошитани изрази песимизам во врска со брзото завршување на пандемијата. Вели дека ќе мора некое време да живееме со вирусот. 

Во светот има 51.9 милиони заразени со коронавирусот.