01 Март, 2024
0.0291

ЌЕ ПЛАЌААТ КАЗНИ, АМА НА ДЕЛОВНИТЕ ПАРТНЕРИ НАВРЕМЕ, НИКАКО - „фрчат“ глоби од пазарните инспектори за непочитување на Законот за финансиска дисциплина

Објавено во: Економија 03 Февруари, 2023

Добивај вести на Viber

Ако за нешто најмногу казнува Државниот пазарен инспекторат, тоа е убедливо за непочитување на Законот за финансиска дисциплина во земјава.

Ова значи дека и покрај законот, и покрај силните контроли и казните, на македонските компании не им доаѓа памет и тие упорно должат многу подолго од законски предвидениот рок, што, пак, им носи големи казни, односно прекршочни налози.

Но, тоа како да не влијае врз нив, и тие продолжуваат долго да им должат на своите деловни партнери.

За тоа колку не се почитува Законот за финансиска дисциплина доволно говори фактот што во период од само една недела, односно од 16 јануари до 22 истиот месец годинава, Пазарниот инспекторат, од вкупно направени 709 инспекциски надзори, донел 122 решенија за неправилности кои биле „уловени“, а од нив дури 103 решенија се однесуваат токму на Законот за финансиска дисциплина.

Непочитувањето на Законот за финансиска дисциплина сочинува речиси половината од прекршочните платни налози кои ги издале државните пазарни инспектори, односно, ако во овој споменат период биле издадени 105 прекршочни налози, дури 43 од нив се однесуваат на Законот за финансиска дисциплина.

Од она што може да се заклучи од последното соопштение на ДПИ објавено на нивната веб страница, се гледа дека за споменатиот период од една недела, инспекторатот издал прекршочни налози на сума од 3,57 милиони денари, или 58 илјади евра. Па, ако се претпстави дека половина од нив се однесуваат на должење подолго од предвидното, би се извлекол заклучок дека само за една недела фирмите заради неппочитување на роковите платиле казни од околу 30 илјади евра, што секако, не мора да е точно, со оглед на различните казни за различни прекршоци по кои постапува ДПИ.

Како што е познато, на стартот кога се донесе Законот за финансиска дисциплина по него постапуваше Управата за јавни приходи, но потоа оваа обврска ја презеде Државниот пазарен инспекторат.

Инаку, Законот за финансиска дисдциплина предвидува приватните фирми да не смеат да доцнат со плаќањето повеќе од два месеци.

По исклучок, во деловната трансакција меѓу економските оператори од приватниот сектор може да се договори рок подолг од 60 дена, но не подолг од 120 дена, доколку постои изречна писмена согласност од двете страни и под услов тоа да не е значително нефер кон доверителот, стои во законот.

Глобата е 10.000 евра за прекршок на економски оператор од приватниот сектор - трговско друштво, трговец поединец и правно лице кое врши профитна дејност и е регистрирано согласно со закон, доколку не ја исполни паричната обврска во утврдените рокови. А глоба во износ од 30 отсто ќе му се изрече на одговорното лице во трговско друштво, или попрецизно кажано, на директорот на таа компанија.

А, Државниот пазарен инспекторат во споменатиот период делувал и по Законот за трговија, со кој се контролира работното време на трговските објекти или продавање алкохол на малолетници, за што се изречени девет прекршочни платни налози, како и по Законот за угостителска дејност, во однос на работното време на локалите, за што се заработени 21 прекршочен налог.

Во последниов перид ДПИ серизно постапува и по Законот за заштита од пушењето, за кој во споменатиот периоод „настрадале“ 20 угостителски објекти, односно заработиле прекршочни налози.

Се контреолирало и за други неправилност, но за нив се изречен помал број прекршочни платни налози.

Н.Н.Ф.

Можеби ќе ве интересира

ДЕВЕТ ГОДИНИ БИЛ ФИНАНСОВ ДИРЕКТОР - „Књаз Милош“ има нов прв човек, еве на што ќе се фокусира Станковиќ

ДЕВЕТ ГОДИНИ БИЛ ФИНАНСОВ ДИРЕКТОР - „Књаз Милош“ има нов прв човек, еве на што ќе се фокусира Станковиќ

КОЈ ПЛАТИ 580 ИЛЈАДИ ЕВРА - блок трансакција со акциите на „Алкалоид“, продадени 1.754 акции

КОЈ ПЛАТИ 580 ИЛЈАДИ ЕВРА - блок трансакција со акциите на „Алкалоид“, продадени 1.754 акции

МЕНАЏЕРКА ВО МЕДИЦИНСКА И ХЕМИСКА ИНДУСТРИЈА И МАШИНСКИ ИНЖЕНЕРИНГ НЕ МОЖЕ ДА НАЈДЕ РАБОТА: Испратила 300 апликации за работа, секаде е одбиена

МЕНАЏЕРКА ВО МЕДИЦИНСКА И ХЕМИСКА ИНДУСТРИЈА И МАШИНСКИ ИНЖЕНЕРИНГ НЕ МОЖЕ ДА НАЈДЕ РАБОТА: Испратила 300 апликации за работа, секаде е одбиена

„АЛКАЛОИД“ ИМА ОДЛИЧНИ ВЕСТИ ЗА АКЦИОНЕРИТЕ - компанијата ќе исплати за 10,2 отсто поголема дивиденда во однос на минатата година

„АЛКАЛОИД“ ИМА ОДЛИЧНИ ВЕСТИ ЗА АКЦИОНЕРИТЕ - компанијата ќе исплати за 10,2 отсто поголема дивиденда во однос на минатата година

РЕДОВНИ ГАРАНЦИИ: „ДРЖАВАТА ЌЕ ГО ОБЕШТЕТИ МИТИЛИНЕОС АКО ИМА ВООРУЖЕН КОНФЛИКТ ИЛИ ВОНРЕДНА СОСТОЈБА“ – законот за стратешката инвестиција повторно пред пратениците

РЕДОВНИ ГАРАНЦИИ: „ДРЖАВАТА ЌЕ ГО ОБЕШТЕТИ МИТИЛИНЕОС АКО ИМА ВООРУЖЕН КОНФЛИКТ ИЛИ ВОНРЕДНА СОСТОЈБА“ – законот за стратешката инвестиција повторно пред пратениците

МАШКИТЕ КОШУЛИ ОДЛИЧНО ОДЕЛЕ ВО СТРАНСТВО, АМА „МОДА“ СЕПАК ЗАВРШИ СО МИНУС - која е причината за загубата на текстилната компанија

МАШКИТЕ КОШУЛИ ОДЛИЧНО ОДЕЛЕ ВО СТРАНСТВО, АМА „МОДА“ СЕПАК ЗАВРШИ СО МИНУС - која е причината за загубата на текстилната компанија

Ќе плаќа ли РЕК Битола 3,5 евра за заштитна маска која може да се нарача и онлајн за 1 евро?

Ќе плаќа ли РЕК Битола 3,5 евра за заштитна маска која може да се нарача и онлајн за 1 евро?

ИМ СТИГНА МЛЕКО ВО ПРАВ: Куба бара ОН да помогне за обезбедување храна

ИМ СТИГНА МЛЕКО ВО ПРАВ: Куба бара ОН да помогне за обезбедување храна

ВАЖНО ЗА СКЕНИРАЧИТЕ НА СМЕТКИ: Лимитот за поврат на ДДВ се зголемува

ВАЖНО ЗА СКЕНИРАЧИТЕ НА СМЕТКИ: Лимитот за поврат на ДДВ се зголемува