Ќе се доделува автомобил и вредносни ваучери во „Фискална во рака – награда без мака“!

Добивај вести на Viber

Четвртото извлекување за наградната игра „Фискална во рака, награда без мака“ ќе се реализира во живо, во понеделник 31.03.2014 од 20 часот на МРТ1. Во ова 4то коло на наградната игра ФИСКАЛНА ВО РАКА – НАГРАДА БЕЗ МАКА се извлекува за еден автомобил Пежо 208, 30 вредносни ваучери од 3.000 до 60.000 денари и 120 вредносни ваучери за прехранбени продукти во вредност од по 1000 денари. Во извлекувањето ќе учествуваат сите коверти испратени за 4то коло со сметки кои се валидни од најран датум 15.11. 2013та година. Неизвлечените коверти од ова коло како и од второто, третото, а понатаму и од петтото и шестото, се чуваат од страна на Државна лотарија на Македонија како организатор на наградната игра и ќе учествуваат во 7мото коло за извлекување на стан и деловен простор. За учество во наградната игра треба да се испратат 20 фискални сметки со најран датум од 15.11. 2013та, во стандарден бел коверт во кој покрај фискалните сметки треба да има посебен лист на кој ќе бидат наведени податоците на испраќачот: име, презиме, адреса и контакт телефон. Ковертот кој независно дали ќе се остави во кутија на некој пунктовите, или ќе се прати по пошта мора да биде адресиран и на него не треба да биде напишано ништо друго освен адресата на организаторот и намената – за наградна игра: ДРЖАВНА ЛОТАРИЈА НА МАКЕДОНИЈА, БУЛ. "ГОЦЕ ДЕЛЧЕВ" БР. 8, 1000 СКОПЈЕ, ЗА НАГРАДНА ИГРА: ФИСКАЛНА ВО РАКА – НАГРАДА БЕЗ МАКА Државна лотарија на Македонија како организатор на Наградната игра Фискална во рака – награда без мака, ги известува заинтересираните учесници дека во пресрет на утрешното, 4тото извлекување, покрај испраќањето по Пошта со наменската поштенска марка по цена од 8 денари која може да ја добијат во сите експозитури низ РМ, учесниците во наградната игра може да ги оставаат своите адресирани коверти со фискални сметки и лични податоци на специјално одредените пунктови од кои еден е во зградата на МРТ, при седиштето на Државна лотарија на Македонија, а другите се на различни локации пред уплатно- исплатни места за игрите на среќа на Државна лотарија на Македонија, обележани со знакот - СРЕЌНО МЕСТО. Ковертите за ова 4то извлекување може да ги испратат најдоцна до полноќ на 30 март 2014.