КОЧО АНЃУШЕВ БЕШЕ СТАВЕН НА „ЦРНА ЛИСТА“ ПО ИНИЦИЈАТИВА МЕЃУ ВМРО и СДСМ - Села за Фокус со интересни детали
Објавено во: Македонија 04 Октомври, 2024
Пратеникот од Европскиот фронт и лидер на едно од крилата на поделената Алијанса за Албанците, Зијадин Села, во интервју за неделникот „Фокус“, Села истакна дека „држи тезата оти ВМРО е помогната за да постигне апсолутна власт“, а, како што посочи, за жал поддржувачите и членството на СДСМ во овој случај се жртва.
Како што објавува Фокус, а според зборовите на Села, токму по иницијативите за соработка меѓу ВМРО-ДПМНЕ и СДСМ, бизнисменот и поранешен вицепремиер Кочо Анѓушев бил ставен на „црната листа“ на САД.
„Имаше информација и за средби меѓу Заев и Мицкоски, со олигарси внатре. А дали имаше ставање на „црна листа“ на некои олигарси по овој период? Кочо Анѓушев после овие иницијативи беше ставен на црна листа. Кога веќе јасно се покажа од страна на меѓународниот фактор дека таква идеја е неприфатлива, бидејќи ќе удира врз стабилноста на државата, а за целта зошто тие го правеа тоа немам информации, но претпоставувам дека се работи за бизнис зделки“, вели Села.