Кое е најдоброто место за живеење во Европа и каде е тешко да се врзе крај со крај?

Добивај вести на Viber

И покрај заедничките вредности и културните врски, разликите во приходите низ Европа остануваат големи. Овие разлики се намалуваат донекаде кога се зема предвид куповната моќ, но сепак останува значителен јаз.

Во последниве години, европските домаќинства се соочија со сериозен пораст на трошоците за живот, дополнително влошени од војната во Украина и прекините во снабдувањето по пандемијата.

Еден од вообичаените индикатори е медијалниот еквивалентен расположлив приход, односно типичниот приход по лице во домаќинството, прилагоден за бројот на членови и по оданочувањето, пишува Euronews Business.

Според податоците за 2024 година, овој приход се движи од 3.075 евра во Албанија до дури 50.799 евра во Луксембург. Во рамките на ЕУ, Бугарија има најнизок медијален приход - 7.811 евра, додека просекот во ЕУ е 21.582 евра.

На врвот на листата се Швајцарија, Норвешка и Луксембург, по што следат Данска, Австрија, Ирска, Холандија и Белгија, со приходи помеѓу 30.000 и 35.000 евра. Финска, Германија, Шведска и Франција се исто така над просекот.

Од друга страна, Македонија, Турција и Црна Гора се меѓу најниските во Европа. Во самата ЕУ, покрај Бугарија, и Унгарија и Романија бележат приходи под 10.000 евра.