Кои места ќе ги посети мобилниот шалтер на УЈП?
Објавено во: Финансии 08 Август, 2016
Мобилниот даночен шалтер на УЈП месецов ќе посети шест рурални населени места во Македонија.
На 11 август ќе бидат во Кривогаштани, на 18 во Долнени, на 23 во Житоше, на 24 во Чашка, на 25 август во Лозово и на 26 август во Дебреште. Даночниците онаму каде има општинска зграда во споменатите места ќе бидат достапни за граѓаните од 10 до 15 часот, а во другите рурални средини каде нема општинска зграда ќе бидат од 10 до 14.30 часот.
Со трите специјално опремени комбиња, даночниците секој месец ги посетуваат населените места каде Управата нема постојани даночни канцеларии, како и локации кои дополнително можат да се утврдат во соработка со општините и потребите на локалното населиние и бизниси.
Граѓаните и фирмите, без да го напуштат своето место на живеење/седиште, можат да ги добијат сите даночни услуги и информации преку мобилните шалтери, да ги достават сите видови на даночни пријави, барања, како и да ги подигнат сите документи што ги издава Управата за јавни приходи.