Кои се шесте најдобри бизнис индустрии за кои не сте знаеле?

Добивај вести на Viber

Стручњаците велат дека овие шест бизниси имаат најголем потенцијал за раст во Америка и во светот.

Истражувањето го направи IBISWorld, а го пренесува Inc.com.

Алкохолни пива со вкус на јаболко

Благото пиво со вкус на јаболко побуди голем интерес во Америка и за него има голема побарувачка. Овој бизнис има една маана, немаат доволно јаболка со шеќер како алкохолот би ферментирал. Јаболката кои ги имаат во супер маркетите се невкусни и немаат доволно шеќер. Се очекува овој бизнис годинава да има раст од 27%.

Правење паметни броила

Модернизацијата на електричната мрежа бара паметни броила, кои ќе покажуваат колку е потрошувачката во одреден период и како да се регулира потрошувачката во критичниот период. Овој бизнис очекува раст од 11.3% годинава.

Здравствено осигурување за домашни миленичиња

Овој бизнис моментално чини 800 милиони долари и секоја година расте за 14%. Се нуди медицински третман, хемотерапија за миленици, трансплантација на органи и слично.

Медицински лепила

Благодарение на оваа индустрија сега може да се смали рана или да се затвори убод. Употребата на овие лепила во хирургијата, нивната едноставна употреба им носи раст од 11% годишно.

Онлајн продажба на уметнички дела

Врвната уметност доцна стигна во онлајн светот, но се прогнозира дека во оваа област работата ќе порасне за 9% во наредните 5 години. Сликите, графиките, цртежите имаат дел од пазарот и се бараат во странство.

Конструкција на огради

Реновирањето на домови, градењето е поврзано и со оваа гранка. Во периодот од 2009 и 2010 година многумина се откажаа од оваа работа, која повторно станува популарна и за неа се очекува раст од 5%.