Кои земји годинава ќе изненадат со добар економски раст?
Објавено во: Економија 14 Ноември, 2025 20:57
Се очекува Европа да забележи скромен економски раст, но неколку земји во развој се прогнозира дека ќе имаат стапки двојно поголеми од глобалниот просек.
Од Јужен Судан до Етиопија, силата на извозот ги движи клучните економии во 2025 година. Оваа инфографика ги прикажува најбрзорастечките економии во 2025 година, врз основа на проекциите од најновите светски економски перспективи на Меѓународниот монетарен фонд (ММФ).
Се очекува економијата на Јужен Судан да порасне за речиси 25 oтсто оваа година, бидејќи главната мрежа на нафтоводи е обновена откако беше оштетена минатата година. Сепак, економијата на Јужен Судан останува многу кревка. Конфликтот во соседен Судан би можел да го наруши протокот на нафта, која сочинува околу 90 проценти од приходите на земјата.
Слично на тоа, Либија и Гвајана бележат силен економски раст благодарение на извозот на нафта. Гвајана особено се издвојува, со нејзината нафтена индустрија која се очекува да генерира приходи од 2,5 милијарди долари до 2025 година и дури 10 милијарди долари до 2030 година, благодарение на огромните нафтени полиња откриени по должината на нејзиниот брег.
Од развиените земји, само Ирска беше на листата на најбрзо растечки економии, првенствено поради забрзаниот извоз на фармацевтски производи, како реакција на царините на американскиот претседател ДоналдТрамп. Во меѓувреме, се очекува Индија да оствари раст од 6,6 проценти, и покрај трговските тензии. Иако се соочува со ефективна царинска стапка од 33 до 36 проценти, една од највисоките во светот, американската побарувачка за стоки сè уште сочинува околу два проценти од БДП на Индија, пренесува Kamatica.
foto freepik.com
Можеби ќе ве интересира
Најголемиот германски производител на челик привремено го запира производството во две големи фабрики - 1.200 работни места во опасност
Централната банка на Русија го тужи Еуроклир: бара 194,8 милијарди евра отштета
Македонија најевтина во Европа според цените на храната
НОВИ БИЗНИС ИНВЕСТИЦИИ: Познато е кој ќе ги гради најголемите складишта за електрична енергија?
„Визер“ со нова линија од аеродромот во Скопје - од сега ќе се патува и за Прага
Мицкоски: Мерките на Владата даваат резултати, зголемени бројки на туристи и ноќевања во првите 10 месеци
Меѓународниот аеродром Скопје станува апослутен лидер во регионот по раст и по број на нови понудени места
КЛУЧ НА ДРЖАВНАТА КАСА ИЛИ МИЦКОСКИ ПРОГЛАСИ КАПИТУЛАЦИЈА НА ЕКОНОМИЈАТА! Чупеска за затворањето на трезорот на 15 декември
