КОЈ Е МИЛАН ЖИВКОВИЌ: Најсериозен кандидат за министер за труд, другите ресори се договараат

Добивај вести на Viber

Милан Живковиќ, актуелен советник на премиерот најверојатно ќе биде назначен за нов министер за труд и социјална политика, потврдуваат високи партиски извори од СДСМ. Живковиќ важи за познавач во оваа област, активист е, од 2019 година беше претседател на Комисијата за труд во СДСМ, а од 2020 година и специјален советник на премиерот за труд и социјална политика. 

Живковиќ е по потекло од Охрид, а пред политичките функции, осум години бил директор на германската политичка фондација Фридрих Еберт Штифтунг и бил дел од Сојузот на синдикатите на Македонија и Синдикатот на УПОЗ. Дел од образованието го завршил во САД. 

Живковиќ е активен во обезбедувањето поголеми права за луѓето со попреченост, а самиот е родител на дете во аутистичен спектар за што и јавно зборува. 

Имињата на новите министри и сите рокади се уште не се официјално потврдени. Се очекува претседателот Стево Пендаровски деновиве да му го додели мандатот на Димитар Ковачевски, кој е новиот лидер на СДСМ и иден мандатар, а откако Зоран Заев и официјално ќе ја поднесе оставката во Собранието.