КОЈ ГИ КУПИ СРПСКИТЕ ОБВРЗНИЦИ ОД РЕЧИСИ ДВЕ МИЛИЈАРДИ ДОЛАРИ - еве од каде потекнуваат фондовите и другите финансиски играчи
Објавено во: Финансии 21 Јануари, 2023
Србија вчера издаде еврообврзници во долари со рок на доспевање од пет и 10 години, при што се собрани 1,75 милијарди долари, со најголем интерес на инвеститорите за српските обврзници во историјата. Како што дознава „Блиц бизнис“, за купување биле заинтересирани повеќе од 500 големи, светски инвеститори, а на крајот победници биле претежно сериозни финансиски играчи од Америка.
- Интерес за нашите обврзници покажаа различни инвестициски фондови кои според својот профил инвестираат на пазари во развој, пред се американски инвестициски фондови. Меѓу нив беа пензиските фондови, хеџ фондовите... потоа финансиските институции, односно банките - вели извор за Блиц.
Вкупната побарувачка на инвеститорите изнесуваше 11 милијарди долари и беше шест пати поголема од понудата. Ова е најголема побарувачка откако Србија издаде обврзници на меѓународниот пазар.
Вицепремиерот и министер за финансии Синиша Мали оцени дека Србија постигнала огромен успех, бидејќи инвеститорите покажале голем интерес за купување српски државни хартии од вредност. Тој додаде дека се покажало дека инвеститорите се уште имаат голема доверба во Србија.