09 Август, 2022
0.0217

Кој го превзема менаџирањето со „Тетекс“? Синот го наследи таткото!

Објавено во: Економија 05 Јули, 2022

Добивај вести на Viber

Бобан Гоговски за нов директор го предлагаат 13 акционери кои заедно поседуваат 24 отсто од сите акции на „Тетекс“. Гоговски јуниор е електроинженер кој својата 25 годишна работна кариера ја минал на различни позиции во ТТК Банка (и нејзината правна претходничка Тетекс банка)

Бобан Гоговски ќе биде нов член на Одборот на директори на „Тетекс“ и менаџер што ќе го преземе управувањето со најпознатата текстилна компанија во земјава. Ова е предлог одлука за претстојното акционерско собрание зад која застанаа 13 акционери кои поседуваат речиси 100.000 акции во „Тетекс“ односно 24 отсто од сите акции со право на глас.

Во предлог одлуката за која ќе се гласа на собранието на акционери освен Гоговски ќе членува и универзитетскиот професор Михаил Петковски во својство на неизвршен член.

Гоговски помладиот во својот 25 годишен работен стаж не работел во „Тетекс“ ниту еден ден, пишува во јавно достапните податоци достапни на следниот линк https://www.seinet.com.mk/Default.aspx?lang=MK&docID=60185

Бобан Гоговски по вокација е електроинженер исто како и неговиот татко Глигорие Гоговски. Бобан својата професионална кариера ја започнал во информатичкиот сектор на Тетекс Банка во 1996 година и таму работел на повеќе раководни позиции. Во својата досегашна кариера не ја напуштил банката, која сега се вика ТТК Банка, по спојувањето на двете деловни банки Тетекс Банка и Тетовска кредитна банка. Во последниве 11 години Бобан Гоговски е директор на секторот за комерцијално банкарство на ТТК Банка. Претходно ги поминал позициите на директор на секторот за управување со ризици и секторот за кредитирање.

Неговиот татко Глигорие својата кариера во „Тетекс“ ја започнал во далечната 1969 година на позицијата шеф на електроодржување во комбинатот и на тоа место поминал 10 години. А по тоа уште 10 години бил директор на електроодржување. Од 1981 година станал помошник генерален директор на „Тетекс“, а 1983 година и генерален директор на компанијата. Од 1986 година па до 1991 година Глигорие Гоговски бил претседател на Извршниот совет на Социјалистичка Република Македонија што всушност е последниот премиер на СРМ. Од 1991 година па до мај годинава го управувал „Тетекс“, компанија во која поминал речиси 50 години. 

Бобан Гоговски во „Тетекс“ поседува 10.000 акции. Неговиот татко во „Тетекс“ поседуваше 12,8 отсто односно околу 53.000 акции кои наскоро ќе добијат нов сопственик. Глигорие Гоговски беше и најголем поединечен акционер во оваа компанија која има над 1.060 акционери домашни физички лица кои заедно поседуваат 93,6 отсто од акциите.

Р.Ф.

Можеби ќе ве интересира

СИНДИКАТОТ ЈА ПРЕСМЕТА ПОТРОШУВАЧКАТА КОШНИЦА ЗА ЈУЛИ - драматично зголемување од над 7.000 денари

СИНДИКАТОТ ЈА ПРЕСМЕТА ПОТРОШУВАЧКАТА КОШНИЦА ЗА ЈУЛИ - драматично зголемување од над 7.000 денари

Ги прашавме кумановци дали им недостига работата во Авганистан, еве што ни одговорија...

Ги прашавме кумановци дали им недостига работата во Авганистан, еве што ни одговорија...

Кои се најголемите увозници на струја? Просечната увозна цена била 111 евра за мегаватчас!

Кои се најголемите увозници на струја? Просечната увозна цена била 111 евра за мегаватчас!

БОБАН ГОГОВСКИ ГО ПРЕЗЕМА УПРАВУВАЊЕТО СО „ТЕТЕКС“ - синот го наследи таткото во познатиот тетовски комбинат

БОБАН ГОГОВСКИ ГО ПРЕЗЕМА УПРАВУВАЊЕТО СО „ТЕТЕКС“ - синот го наследи таткото во познатиот тетовски комбинат

Лани потрошено повеќе за изградба на патишта, но со голем пораст на задолженоста

Лани потрошено повеќе за изградба на патишта, но со голем пораст на задолженоста

ВМРО-ДПМНЕ е против зголемување на даноците, имаат друг предлог

ВМРО-ДПМНЕ е против зголемување на даноците, имаат друг предлог

Вредноста на еврото се намали, а доларот скокна

Вредноста на еврото се намали, а доларот скокна

Финансии: Ќе се дебатира за прогресивниот данок

Финансии: Ќе се дебатира за прогресивниот данок

ДИЗЕЛОТ ЗА ТРИ ДЕНАРИ, 95-КАТА ЗА 3,5 И 98-ТА ЗА ДВА ДЕНАРИ - еве за колку поевтини гортива ќе може да наточите од ноќеска на полноќ

ДИЗЕЛОТ ЗА ТРИ ДЕНАРИ, 95-КАТА ЗА 3,5 И 98-ТА ЗА ДВА ДЕНАРИ - еве за колку поевтини гортива ќе може да наточите од ноќеска на полноќ