Кој има, сака повеќе: Најзадолжени граѓани во Македонија се оние со највисоки плати!

Добивај вести на Viber

Под притисок на кризата и неизвесноста дали ќе можат навреме да ги сервисираат обврските, граѓаните во третиот квартал од годинава – претпазливо се задолжувале. Најновиот извештај на НБМ открива дека просечната задолженост по лице на крајот на октомври изнесувала 108 илјади денари или 1 753 евра и во однос на вториот квартал се забележува намалување на задолженоста за 16,2 евра.

Најзадолжени се лицата со месечни примања до 30 000 денари, додека најмалку задолжени се лицата со месечни примања до 7000 денари.

“Кај граѓаните со месечни примања до 30 000 денари се пласирани две третини од вкупната изложеност кај физичките лица или близу 59% од вкупната изложеност наменета за потрошувачка“ – пишува во извештајот.

Оние што заработуваат најмногу, тие се и најзадолжени, покажува анализата. Токму оваа категорија на граѓани во третиот квартал влегле во уште подлабока задолженост.

“Гледано по поединечни лица најзадолжени се физичките лица со месечни примања над 100 000 денари. Тие должат просечно по 778 илјади денари по лице што е двојно повеќе во однос на претходниот квартал “

Рангирањето покажува дека  веднаш зад  најзадолежните граѓани, со месечни примања до 30 000 денари,  следуваат лицата со примања повисоки од  50 000 денари. Трети на листата по задолженост се граѓаните со 15 000 денари, четврти оние со месечни примања  од 30 000 до 50 000 денари. Последни на листата по задолженост се граѓаните со месечни примања до 7000 денари.